பாகிஸ்தானின் கைபர் பக்துன்க்வா மாகாணத்தின் தலைநகரான பெஷாபூரில் அடர்த்தியான குடியிருப்புப் பகுதி பாடசாலை பள்ளி ஒன்றின் மேற்கூரை நேற்று திடீரென இடிந்து விழுந்தது. இந்த கோர விபத்தில் 13 வயதுக்கு உட்பட்ட 33 சிறுவர்கள் , ஒரு பெண் ஆசிரியர் என 34 பேர் உயிரிழந்தனர்.
மேலும், 19-க்கும் மேற்பட்டோர் படுகாயமடைந்து மருத்துவமனையில் சேர்க்கப்பட்டுள்ளனர். அவர்களில் பலரது நிலைமை கவலைக்கிடமாக உள்ளது. பெற்றோர் தங்களது குழந்தைகளின் நிலையை அறிய பாடசாலை மற்றும் மருத்துவமனை வளாகத்தில் கண்ணீருடன் குவிந்தனர். பாடசாலையின் உரிமையாளரை காவல்துறை கைது செய்துள்ளது.
பல சிறுவர்கள் இன்னும் இடிபாடுகளுக்கு அடியில் சிக்கியிருக்கலாம் என்றும், அவர்களை மீட்கும் பணி தீவிரமாக நடந்து வருவதாகவும் அவசர உதவிப் பிரிவு செய்தித் தொடர்பாளர் பிலால் பைசி தெரிவித்தார். பாடசாலை கட்டிடம் மிகவும் பலவீனமாக இருந்ததாகவும், விபத்துக்கான காரணம் குறித்து விசாரணை நடப்பதாகவும் காவல்துறை தெரிவித்துள்ளது.