நாடு முழுவதும் திரவ பெற்றோலிய எரிவாயு (LPG) இருப்பு எதிர்வரும் மாதங்களில் போதுமானதாக இருக்கும் என அமைச்சரவை ஊடகப் பேச்சாளர் அமைச்சர் Nalinda Jayatissa தெரிவித்துள்ளார்.
அரச மற்றும் தனியார் விநியோகத்தர்களின் திட்டமிடப்பட்ட கப்பல் வருகைகளின் அடிப்படையில் இந்த உறுதி வழங்கப்பட்டதாக அவர் கூறினார்.
Litro Gas Lanka நிறுவனம் மார்ச் 28ஆம் திகதி 22,000 மெட்ரிக் தொன் எரிவாயுவை பெறவுள்ளது. மேலும் ஏப்ரல் மாதத்தில் கூடுதலாக 22,000 மெட்ரிக் தொன் எரிவாயு வரவுள்ளதாக அறிவிக்கப்பட்டுள்ளது.
அதேவேளை, Laugfs Gas நிறுவனம் மார்ச் 30 மற்றும் 31ஆம் திகதிகளில் 8,000 மெட்ரிக் தொன்களையும், ஏப்ரல் 25 முதல் 27ஆம் திகதி வரை 21,000 மெட்ரிக் தொன்களையும் இறக்குமதி செய்ய திட்டமிட்டுள்ளது.
பொதுவாக லாஃப்ஸ் நிறுவனம் உள்நாட்டு சந்தைக்கு மாதத்திற்கு 7,000 முதல் 8,000 மெட்ரிக் தொன் வரை விநியோகித்து வருகிறது.
இரு நிறுவனங்களின் மொத்த விநியோகம் நாட்டின் மாதாந்த தேவையை விட அதிகமாக இருக்கும் என எதிர்பார்க்கப்படுவதாகவும் அமைச்சர் நளிந்த ஜயதிஸ்ஸ தெரிவித்துள்ளார்.
2026-03-24