அக்குரேகொட பகுதியில் சட்டத்தரணி மற்றும் அவரது மனைவி சுட்டுக்கொல்லப்பட்ட மிலேச்சத்தனமான சம்பவத்தைக் கண்டித்து, திருகோணமலை மாவட்ட சட்டத்தரணிகள் சங்கம் இன்று (16) முழுமையான நீதிமன்றப் புறக்கணிப்பில் ஈடுபட்டனர்.
நாடு தழுவிய எதிர்ப்பு: இலங்கை சட்டத்தரணிகள் சங்கத்தின் (BASL) தீர்மானத்திற்கு இணங்க இந்தப் போராட்டம் முன்னெடுக்கப்பட்டது.
கறுப்புப் பட்டி போராட்டம்: திருகோணமலை சட்டத்தரணிகள் சங்கத் தலைவர் புண்ணியவதி துஷ்யந்தன் தலைமையில், சட்டத்தரணிகள் கறுப்புப் பட்டி அணிந்து தமது கண்டனங்களை வெளிப்படுத்தினர்.
திருகோணமலை சட்டத்தரணிகள் சங்கச் செயலாளர் எம். எச். எம். ராபின் நெறிப்படுத்தலின் கீழ் இந்த போராட்டம் முன்னெடுக்கப்பட்டது.
போராட்டத்தின் போது கருத்துத் தெரிவித்த தலைவர் புண்ணியவதி துஷ்யந்தன்,
”சட்டத்தின் ஆட்சிக்காகப் போராடும் ஒரு சட்டத்தரணிக்கே பாதுகாப்பு இல்லாத நிலை கவலையளிக்கிறது. இந்த ‘கொலை கலாசாரம்’ உடனடியாக நிறுத்தப்பட வேண்டும். இது ஒட்டுமொத்த நீதித்துறைக்கும் விடுக்கப்பட்ட அச்சுறுத்தல்!” என கூறியிருந்தமை குறிப்பிடத்தக்கது.